Ta’al’luq torna chaho..

Ta’al’luq torna chaho..
Tum mujh ko chorna chaho..
To meri shart hai itni..

Tumhein jo de chuki hon Main..

Mujhay lotaa do woh sab kuch..

Meray woh keemti lamhein..
Jo tujh ko sochtay guzray..

Woh pal jo ik qayamat thay..
Jo tumhara rasta dekhtay guzray..

Khuda ko bhool kar woh din..
Jo tujh ko poojtay guzray..

Kaho lota sako ge tum??

Hayaa ki chandni de di..
Jiyaa ki ragni de di..

Laboon ki chaashni de di..
Hina ki roshni de di..

Tujhay to zindagi de di..
Har ik apni khushi de di..

To phir woh zindagi meri..
Han bolo.. har khushi meri..

Kaho.. lotaa sako ge tum??

Agar mumkin ho aisa to..

TA’AL’LUQ TOR LENA TUM..
BHALAY PHIR CHOR DENA TUM..!!